Naa sa kapin 100 ka mga residente sa Barangay Macabalan ang nakapahimulos sa pagpalit og baratong mga utanon ug panakot sa dxCC-RMN ug I FM Rolling store kagahapon sa buntag.
Ang maong mga residente nga nagpalit og 50 pesos pataas sa maong rolling store sa RMN nakadawat og usa ka kilong bugas, pirasong itlog, bulad, longganisa ug lumpia.
Gilimitahan lamang sa RMN ang kadaghan sa tawo aron mamintinar ang social distancing.
Hugot usab nga gisunod ang pagsuot sa face mask ug paggamit sa alcohol.
Alayon niini, mapasalamaton ang dxCC-RMN Cagayan de Oro ug IFM ngadto sa tanang misuporta sa kalihukan sama sa Virginia Foods, Jao TV, Ashigo Herbal Products, MBL Homefoods ug ilabina kang Barangay Kapitan Norbel Saa sa paghatag panugot nga mapahigayon ang maong kalihukan sa Barangay Macabalan.
