Guipos, Zamboanga del Sur – Kapin sa 2.7 million pesos ang tabang pinansyal ang gihatag sa gobyerno ngadto sa 43 ka mga rebeldeng New People’s Army kon NPA nga misurender sa mga sundalo sa 53rd Infantrt Battalion ug mibalik na sa poder sa gobyerno.
Sumala ni Lt. Col. Marlowe Patria nga ang maong mga rebelde, kanhi nag-operate sa probinsya sa Zamboanga del Sur ilalom sa SYP Kara.
Gidawat sa maong mga kanhi rebelde ang maong tabang pinansyal pinaagi sa usa ka seremonya nga nga gihimo sa Camp Major David P Sabido, Guipos, Zamboanga del Sur.
Gibutyag Lt. Col. Patria nga ang tabang pinansyal nga nadawat sa maong mga kanhi rebelde ubos sa Enhance Comprehensive Local Integration Program kon E-CLIP.
Sa mensahe ni Department of National Defense Under Secretary ug Chairperson sa Task Force Balik-Loob Reynaldo Mapagu, iyang gidasig ang uban pang mga rebelde nga mokanaog sa kabukiran ug ilang pahimuslan ang gitanyag nga financial assistance sa gobyerno.
Dugang pa sa DND Usec. nga retirado usab nga opesyal sa armadong kusog sa nasod nga ang tunol matud pa nga gihatag sa gobyerno dili premyo sa ilang pagbalik kundili pagsanong lamang sa mandato sa kagamhanan nga motabang sa nanginahanglan.
