General Santos—Gipasigarbo sa Police Regional Office-12 ang ubay-ubay nilang kalampusan batok sa mga wanted person sa Rehiyon.
Base sa record sa Police Regional Office 12 mukabat sa 2,142 ang nasikop sa kapulisan nga wanted sa rehiyon 12 gikan lang sa bulan sa Enero hangtod sa bulan sa Pebrero ning kasamtangang tuig.
Matud ni Police Lieutenant Colonel Aldrin Gonzales, tigpamaba sa Police Regional Office(PRO)-12 ang maong kalampusan resulta matud pa sa mas gipakusgang Manhunt Charlie o pagsakop sa mga Wanted ug adunay warrant of arrest.
Ang mga dinakpan gilangkuban matud pa sa dulo ka classification, usa niini ang most wanted person nga may bug-at nga kaso sama sa murder, homicide, rape ug uban pa.
Ikaduha mao kadtong mga regular wanted person nga may kasong physical injuries, estafa ug uban pa.
Ikatulo mao ang warrantless arrest o kadtong mga personaheng naaktuhan gumikan sa paglapas sa balaod sama nalang sa drug buy-bust operation, search operation mga nakuhaan ug hinganiban o pusil ug uban pa.
