Sarangani Province— Kapin 20 na ang namatay sa Upper Suyan, Malapatan, Sarangani gumikan sa gituuhang tipdas. Kini ang gikumpirma ni Rene Punzalan, Action Officer sa PDRRMO Sarangani.
Sumala niya nga gawas sa mga namatay aduna pay kapin 20 nga nagpabilin sa balay tambalanan gumikan sa samang balatian. Kung asa gibutyag niini na dili muubos sa 500 ang mga nabakuhan sa Munipal Health Office sa Malapatan batok tipdas.
Dugang pamahayag ni Punzalan nga nakatakdang bisitahon sa mga personahe Malapatan Health Office, PDRRMO ug DOH 12 ang Upper Suyan. Kini aron masayran kung unsa ang hinungdan sa pag-outbreak sa tipdas sa maong lugar.
Sa karon matud pa ginapabot pa nila ang resulta sa mga blood sample nga gisubmitar sa kauluhan aron nga makumpirma kung tipdas ba yud ang hinungdan sa kamatayon sa mga biktima.
Kalabot niini, gibutyag ni Punzalan nga basi sa impormasyon nga nakuha sa health workers sa Malapatan milabay’ng bulan pa nagsugod ang maong sakit sa maong lugar.
Kung asa wala kini gilayon nga gi-report kung wala pay naitalang namatay ug nadala sa hospital.
Kini gumikan gituuhan matud pa sa mga residente sa nasangpit nga barangay nga ordinasyong pantal-pantal lang ang nasinatian sa mga biktima.
