Muabot sa 207 ka mga Person’s Deprived of Liberty (PDLs) sa Bukidnon Provincial Detention and Rehabilitation Center (PDRC) ang narehistro na sa umaabot nga Barangay election sa bulan sa Oktubre ning tuiga.
Kini pinaagi sa gipahigayong Barangay Satellite Registration of Voters nga gipangunahan sa Commission on Elections (COMELEC)-Malaybalay City sa pagpangulo ni Atty. Gina Luna Z. Sabio, Comelec Officer IV sa buhatan sa Bukidnon-PDRC karong adlawa.
Ang maong programa inisyatiba sa probinsyal nga pangagamhanan isip paghatag og bili ingon man pagtagad ngadto sa mga binilanggo nga mabansay ang ilang katungod unya sa pagpili sa mga angayang magdumala sa katilingban pinaagi sa katungod sa pagbotar.
Ang nasangpit nga programa hugot nga gisuportahan ni Bukidnon Governor Rogelio Oneil Roque kinsa nagalantaw ug nagahatud og kaayohan sa mga PDL ingon man usab nagahatag sa kalambuan sa Bukidnon PDRC.
Facebook Comments
