Kapin sa dos sientos ka mga out-of-school youth o OSY ang migradwar sa Jobstart Philippines program sa syudad.
Kini pinaagi sa Public Employment Services Office kon PESO.
Gibutyag ni PESO Manager Kathleen Kate Sorilla nga ang kadaghanan sa migradwar mga out-of-school youth ug pipila lang kanila ang gradwado sa kolehiyo.
Gipasabot ni Sorilla nga ang mga jobstarters mipaubos sa tulo ka cycle sa training nga mao ang life skills training, technical training ug internship sulod sa tulo ka mga bulan.
Apan nasayran nga human sa life skills training mokabat kapin usa ka gatus ka mga jobstarters ang nakatrabaho.
Samtang laing 48 ang nakatrabaho human ilang nakumpleto ang technical training ug 26 ang nakakumpleto sa tulo ka cycle.
Ang ubang migradwar nakatrabaho na sa mga hotels ug sa mga partner employers sa PESO samtang ang uban sa lain-laing establisimento nga dili partner employers.
