Mokabat sa kapin 30 ka mga tambay ang nasikop sa kapulisan sa Cagayan de Oro sulod sa Area of Responsibilities sa upat pa lamang ka police stations.
Gibutyag ni Police Supt. Mardy Hortillosa, Spokesperson sa Cagayan de Oro City Police Office o COCPO nga mga alas sais karong buntag upat pa lamang ka police stations ang nakapasa og resulta sa ilang operasyon batok tambay.
Kini mao ang Police Station 1 Divisoria, Police Station 2 Cogon, Police Station 6 Puerto ug Police Station 10 Cugman.
Gihimo ang operasyon kagabie basi sa mando usab ni COCPO Acting Director Police Sr. Supt. Nelson Aganon nga ipatuman ang ordinansa sa syudad nga nagdili sa pag-inom sa ilimnong makahubog sa mga pampublikong lugar.
PC: COCPO: Agora Police Station
Facebook Comments
