Pagadian City – Kapin 300 ka mga tigpaminaw sa RMN DXPR Pagadian ug 96.7 IFM ang sadya nga nipa-ambit sa ilang mga wishes pinaagi sa pagsulat ug pagsab-it niini 21 feet nga Christmas tree nga gipabarog atubangan sa sibyahanan.
Kadaghanan sa mga nitunol sa mga mensahe sa pasko gidala ang tibook pamilya nga pulos solidong tigpaminawan sa RMN DXPR Pagadian.
Usa sa naghatag og mensahe nangandoy nga iyang maka-uban ang iyang pamilya nga tua karon sa Ilo-ilo city.
Imbes xmas wishes nitunol sa ilang painiton nga pasalamat sa estasyon DXPR ang pipila sa mga tigpaminaw.
Kaganiha gipahigayon ang draw sa mga nitunol sa ilang mensahe og dunay swerte nga lima ka indibidwal ang mananaug og cellphone ug lima ka tawo ang makadawat og radio.
Kini inisyatibo sa Radio Mindanao Network diin dungan nga gipasiga ang 65 ka mga christmas tree sa RMN networks tibook nasod.
