South Cotabato—Gikatakang isubasta sa Land Transportation Office (LTO)-Region 12 ang gibana-banaan sa 400 ka mga sakyanan, kung asa kadaghanan mga motorsiklo, nga unang nadakpan sa managlahing operasyon sa LTO Region 12 tungod sa mga managlahing bayolasyon, sama na lamang sa walay mga rehistro, invalid ang registration ug uban pa.
Matud ni LTO 12 Regional Director Macario Gonzaga, padayon ang ginapahigayon nga imbentaryo sa maong mga sakyanan sa siyam ka district ug satellite offices sa Rehiyon. Sakop sa auction ang mga nakumpiska nga public utility vehicles nga wala gikuha sa tag-iya sulod sa unom ka bulan. Pahayag ni Gonzaga nga gimando na niya sa mga field offices nga ibalhin sa ilang regional office compound sa Koronadal City ang tanan nga mga sakyanan nga gikatakang isubasta.
Higayon nga andam na ang mga sakyanan, gilayon nga iproseso ang mga gikinahanglan nga mga dokumento alang sa bidding process. Magadepende usab matud pa sa “model” ug kalidad sa mga sakyanan ang presyo niini, ug ingon man usab ang price ceiling nga gitakda sa Commission on Audit. Ang pagsubasta ang gipangunahan sa balaud alang sa disposal sa mga unclaimed motor vehicles.
(ctto)
