Mipalag ang kapin 300 ka mga vendors sa Agora, Lapasan tungod sa taas na kaayo nga singil sa ilang stall rental nga gipatuman sa Mega Farm Development Corporation nga gipanag-iya sa pamilyang Hong See.
Matud ni Datu Janal Hamdag nga Presidente sa United Muslim Christian Organization nga dili na makaya ang kanunay taas nga singil sa Mega Farm sa ilang stall rental nga mokabat sa seven percent kada tuig.
Kini ang rason nga si Hamdag ug mga kaubang vendors sa Agora, midangop sa session sa City council kagahapon kay ilang gipangayo nga mapugngan silang Erwin Bryan See nga Presidente sa Mega Farm nga dili unta ipatuman ang ilang uminto sa singil sa market stall.
Facebook Comments
