Na-recover sa Bureau of Internal Revenue kon B-I-R ang 359-million, 750-thousand pesos nga la-in la-ing hi-tech machines sa usa ka bodega sa lungsod sa Villanueva, Misamis Oriental.
Kini sa dihang gipatuman ang Joint Operation sa mga police sa Villanueva, Regional Mobile force ug mga official sa B-I-R ang mando ni B-I-R Commissioner Arnel Guballa batok ni Michael Shi John ug mga john and Jane does.
Matud ni Senior Inspector Arlyne Ranario, Spokesperson sa Provincial Police office sa Misamis Oriental nga lakip sa na-recover sa bodega ni Shi John ang tulo ka Units nga Packer Machine, duha ka Units nga Over Wrapper Machines ug duha ka Units nga Cigarettes Maker Machine.
Na-recover usab sa mga otoridad ang kapin kon kulang 300-thousand pesos nga Fake Tax Stamps gikan sa bodega ni Shi.
Matud ni Ranario nga ang maong mga recovered Items ubos karon sa Custody sa BIR.
Gibutyag ni Ranario nga gi-padlock na sa B-I-R ang maong bodega ug gipangita ang mga suspek.
Gidugang ni Ranario nga ang mga suspek mag-atubang sa kaso nga ipasaka sa B-I-R nga lakip na niini ang kasong Tax Evasion.
