Pagadian City – Mosubra sa 6,000 ka police officer ang ipakatag sa Police Regional Office 9 ngadto sa syudad ug kalungsuran sa tibook rehiyon 9 aron pagsiguro sa malinawon ug patas nga eleksyon sa umaabot May 13, 2019 midterm election.
Kini ang gikomperma ni Police Brigadier General Emmanuel Luis Licup, ang Director sa PRO-9, diin sigon sa opisyal moabot sa 6, 004 ka pulis uban pwersa sa kasundaluhan ang gitahasan sa pagbantay sa 2,264,157 ka botante nga modagsa sa 1,882 voting centers ug 3,374 voting precincts sa rehiyon 9.
Ang dul-an 5,000 nga mga personahe sa kapulisan gikan sa lain-laing probinsya ug syudad samtang ang 1, 031 ang gikan sa Police Regional Office 9 Headquarters nga maoy laumang moabot sa polling centers pulo ka adlaw una ang Mayo 13 election nga maoy motutok sa bodega ug pagdeliver sa voting counting machine, ballota ug uban pang election paraphernalia.
Ang pipila usab ka police personnel ang gitahasan sa pag-bantay sa mga opisina sa COMELEC ug paglusad sa focused police operations batok sa motorcycle-riding criminals, wanted persons ug gun-for-hire personalities aron sa pagpakgang sa election-related violence; lakip ang paghimo sa checkpoint/chokepoint operations ug police visibility patrols.
Gi-whag usab ni Licup, ang publiko nga mamahimong vigilante ning tung-tunga sa campaign period ug atol sa Election Day.
