KAPIN 60 KA MGA MAHAIT NA HINAGIBAN NAKUMPISKAR NAN PNP SA LAIN-LAING SEMENTERYO SA SURIGAO CITY Moabot sa kapin 60 ka mga mahait na hinagiban an nakumpiskar nan kadagkuan nan PNP sa mga lain-laing sementeryo sa Surigao City. Ini sa pagsaulog nan All Saints ug All Souls Day sa Nobyembre 1 ug 2. Namahayag an Chief of Police na si Supt. Jay Baybayan, an mga nakumpiskar naglangkob sa mga kutsilyo, buyo, gabas, tigib ug iban pa, mga gamit na unta dad-on nan pipila ka indibidwal para sa paglimpyo sa mga lubnganan sa ila mga mahal sa kinabuhi na mihalin na sa laing kalibutan. Tagtudlo niini, sa pagsuyod pa lamang nan mga nagdaya niini sa may Entrance sa mga sementeryo an tagpabilin na ini gumikan kay kabahin sa mga tagdili dad-on. An isa sa nakapakuha nan atensiyon sa mga otoridad sa mga mahait na butang na tagkumpiskar an isa ka tigib na an puyo, an porma pareho sa kinatawo. Gawas pa niini, pipila ka botelya sa ilimnong makahubog an naharang isab nan PNP. Dugang pa ni Supt. Baybayan, molungtad pa hangtud silom adlawa an pagpadajon nila sa pagbantay sa seguridad sa lain-laing sementeryo diri sa siyudad.
