Kapin 60 ka traffic light sa Davao i-upgrade alang sa Transport Modernization Project

Davao City – Anaa sa 66 ka mga traffic light sa Davao City, ang i-upgrade ilawom sa programa sa Davao Public Transport Modernization Program isip kabahin sa ipatumang High Priority Bus System (HPBS) segun sa Transport planning and management Division sa City Transport and Traffic Management Office (CTTMO).

Sa report gikan sa Transport Planning and Management Division (TPMD) karong adlawa August 1, 2023, adunay himuong panagpulong sa Davao City Hall, diin usa sa prayoridad nga hisgutan ang pag-upgrade sa mga traffic light, apil na ang Intillegence Transport System (ITS) nga tambungan sa nagkadaiyang ahensya sa gobyerno ug foreign consultant nga gikuha sa Department of Transportation (DOTr) gikan sa kaulohan.

Tumong sa pag-ayo o pag-upgrade sa mga traffic light sa dakbayan, aron tagaan og prayoridad ang mga bag-ong bus nga mapadali ang pag-agi sa mga bus og dili malangan sa traffic light pinaagi sa High Priority Bus System (HPBS).

Kahinumduman niadtong Pebrero ning tuiga, giaprubahan sa National Economic Development Authority Board ang bus modernization project sa syudad nga ipatuman ubos sa “Build, Better, More” Program sa administrasyong Marcos.

Sumala pa niadtong July 1 lamang, gipirmahan tali sa gobyerno sa Pilipinas ug Asian Development Bank (ADB) ang $1B loan agreement alang sa HPBS, diin target nga sugdan ang proyekto sa 3rd quarter sa 2023 ug ang initial operations sa katapusang quarter sa 2024, ug gilauman ang full operations sa katapusan sa tuig 2025.

RadyoMaN Don Pulayao