Anum tubtob pito ka adlaw pa ginaluman nga maguwa ang resulta sang mga ginpaidalom sa mass testing kadungan sang Timeout Weekend nga nagsugod sang Agosto 28.Subong nga adlaw, nagapatigayon sang testing sa ciudad sang Bago sa diin 800 individuals ang target kag 600 naman sa banwa sang Murcia.
Nauna na nga nakapatigayon sa Bacolod sa diin 4,384 ang na-test kag may yara naman sang 315 sa syudad sang Silay kag 725 naman sa Talisay.
Sa interview sang DYHB kay Philippine Councilors League (PCL) Negros Occidental Chapter President Ryan Gamboa, anom tubtob pito ka adlaw pa maguwa ang resulta sang mga tests kun ang Teresita Lopez Jalandoni Provincial Hospital lang anay ang maga-proseso sang samples. Apang sa karun, naga-istorya na sila sa Philippine Red Cross sa ciudad sang Bacolod nga mag-proseso man sang samples.
Samtang, ginakabig naman ni Gamboa nga madinalag-on ang mass testing bisan indi pa malab-ot ang 10,000 indviduals nga una nga target bangud magatayuyon naman ang proseso pinaagi sa contact tracing.
Sa karun, ginapasiguro ni Gamboa nga may bastante nga accommodation ukon quarantine facility ang probinsiya sa mga magpositibo sa mass testing.
[image: image.png]
