Davao City – Nakasinati karon og dakong danyos ang mga agricultural products sa Davao Region tungod sa hilabihang kainit nga nasinati.
Sa pakighinabi sa DXDC RMN Davao kang Joedel Leliza, sa Disaster Risk Reduction Management sa DA XI, base sa ilang pagpanubay as of September 15, 2026, anaa sa P1.1 bilyon ang danyos sa kainit sa tibuok Rehiyon XI.
Matud pa nga sa unang batch, mokabat sa P713 milyon ang natala nga danyos diin nag-una ang produktong saging, samtang sa ikaduhang batch anaa sa P454 milyon nga danyos diin labing apektado ang produkto sa humay.
Samtang nahibaloan nga labing apektado ang lungsod sa Compostela nga adunay P235 milyon ang danyos, busa ang DA XI padayon nga naningkamot aron matabangan ang mga apektadong pamilya.
RadyoMaN Bien Abanos
Facebook Comments