Davao City – Gibutyag karon sa abogado ni kanhing Davao City Information Officer (CIO) Jeffrey Tupas nga makatabang kini aron mapamatud-an nga wala’y sala si Vice President Sara Duterte kon kasuhan og plunder tungod sa mga ebidensya.
Sa interview sa mga magsisibya sa Davao, gibutyag ni Atty. Caesar Europa nga gipamatud-an sa mga ebidensya sama sa plane trip ug tatak sa passport nga bakak ang pamahayag ni dismissed Police Officer Rodulfo Gracioso, busa kini pwedeng gamiton isip panalipod kang VP Duterte.
Dugang pa ni Europa nga kon adunay mga duda sa ebidensya ni Tupas, pwedeng tan-awon ang mga rekord sa Bureau of Immigration (BI), airline company, ug mismong sa terminal aron makita ang kamatuoran.
Nasayran nga sa pahayag ni Gracioso, naghatag kini og 50 milyon kang Tupas sa ngalan sa Bise Presidente niadtong Abril 19, 2019 sa Marinduque, apan gibarugan ni Tupas subay sa plane ticket nga tua siya sa Korea niadtong Abril 18-22, 2019
RadyoMaN Bien Abanos
Facebook Comments