Mukabat sa kapin P300B ang kinatibuk-ang kantidad sa mga proyekto nga nabubo sa lokal nga pangagamhanan sa Impasugong gikan sa probinsyal nga pangagamhanan sa Bukidnon sukad tuig 2001.
Kini basi sa kinaulahing datos nga gipagawas sa probinsyal nga pangagamhanan sa Bukidnon adtong milabayng adlaw.
Gilangkuban ang maong pondo sa mga infrasture projects sama sa tulay, dalan, mga gambalay ug uban pa diin mukabat sa kapin P100B ang nagahin gikan sa maong pondo. Nagahinan usab ang kapin P84B alang sa financial assistance ngadto sa mga munisipyo ug kapin P52B ang nagahin alang sa financial assistance to barangays.
Gilantaw sa maong mga proyekto ang pag-usbong sa ekonomiya sa Impasug-ong diin mas makadani og mga investors kung maprioridad ang kalambuan sa usa ka lugar.
Mapasalamaton sa pikas nga bahin ang lokal nga pangagamhanan sa Impasugong sa probinsyal nga pangagamhanan sa makanunayong suporta nga gipadangat ngadto kanila diin nakahatag og dakong kausaban sa komunidad ilabi na sa ilang ekonomiya.
