Padayon nga ginatrabaho ang Bukidnon Airport Development Project nga nahimutang sa Barangay Maray-Maray, Don Carlos, Bukidnon.
Kining maong proyekto gipunduhan sa nasud-ong pangagamhanan ilawom sa administrasyon ni Presidente Rodrigo Duterte sa kantidad nga P1.8B ubos sa General Appropriations Act Calendar year 2017 hangtud karong tuiga nga infrastructure program alang sa inisyal nga construction sa airport sa tumong nga mahimo kining operational alang sa turbo propeller operations.
Subay sa data nga gikan sa Provincial Engineer’s Office, adunay 10 ka mga Scope of Work ang maong pasilidad diin gibahin sa tulo ka phases nga gilayong masugdan karong tuig 2021.
Gikatahong dakog katabang ang maong proyekto kung mahuman sa dili madugayng panahon diin dili na kinahanglan pang muadto sa ubang lugar kung mubiyahe sakay sa eroplano.
