Kapin P680-K nga balor sang shabu kag armas luthang nakuha sa isa ka drug suspek sa syudad sang Bacolod

17

Nakuhaan sang kapin P680-K nga balor sang ginapatihan shabu kag isa ka 38 cal. revolver ang isa ka drug personality nga natiruhan pa sang pulis sa tiil matapos nagpalagyo sakay sa motor sa isa ka drug buybust operation nga ginpatigayon sang Bacolod City Police Office-City Drugs Enforcement Unit sa Barangay Alijis syudad sang Bacolod kahapon sang hapon.

Ginkilala ang subject sa buybust sa kay Gino Inventor alyas Peter Pan sang Barangay 1 syudad sang Bacolod.


Ang buy bust operation ang ginapatigayon sa atubang sang isa ka punerarya sa Barangay Alijis, apang sang namutikan ni Inventor nga isa ka pulis ang naka-transaksyon, nagsakay ini sa motor kag nagpalagyo. May lagsanay pa nga natabo kag na-corner ang suspek sa atubang sang Bacolod City College, Taculing Road kag natiruhan pa sa tiil sang otoridad.

Na recover sa kay Inventor ang kapin 100 grams sang ginapatihan shabu nga ginabulubanta nagabalor sang P680,000, lima ka libo ka pesos nga buy bust money kag isa ka armas luthang nga .38 cal. revolver.

[image: image.png]

Facebook Comments