Davao City – Muabot sa kapin P8 million kantidad sa iligal nga droga ug mga paraphernalia ang gisunog sa Davao del Norte (DavNor) nga gitambongan sa DavNor Provincial Anti-illegal Drugs Abuse Council (PADAC) niadtong Sabado, Nobyembre 26, 2022.
Sa report sa Davao del Norte Police Provincial Office (DNPPO), gihimo ang aktibidad sa Wood Heaven Crematorium sa Barangay La Filipina, Tagum City, Davao del Norte diin ang maong iligal nga droga ang mga nakumpiska sa mga mga anti-illegal drugs operation sa probinsya nga nahuman na ang mga kaso.
Sa mensahe ni Police Colonel Antonio Alberio Jr., DNPPO Provincial Director, gisulti niini nga padayong pakusgan sa kapulisan ang kampanya batok iligal nga droga kauban ang kooperasyon sa katawhan.
Niadtong Sabado sa dihang gilusad usab ang “Buhay Ingatan, Droga’y Ayawan” kun BIDA Program sa pagpanguna sa Department of Interior and Local Government (DILG) pagpakusog sa kampanya sa gobyerno batok iligal nga droga.
RadyoMaN Kirby Manzon
Facebook Comments
