Kapin sa usa ka gatus ka mga bakwit gikan sa Sityo Camansi, Barangay Banglay, Lagonglong, Misamis Oriental ang naa karon temporaryong nagpasilong sa provincial capitol grounds.
Niabot ang 38 ka pamilyang mga bakwit kagabie dala ang ilang mga gamit ug ubang mga binuhing mananap sama sa manok ug baboy.
Nasayran nga nibakwit ang maong mga indibidwal sa kahadlok nga maipit sa engkwentro tali sa teroristang New Peoples Army ug militar nga nagka-engkwentro sukad pa niadtong Mayo 27.
Gibutyag usab sa tigpamaba sa mga bakwit nga si Sarisa Acosta nga gusto nilang mohawa sa lugar ang militar aron dili matud pa maipit sa kagubot.
Pangutana: Angayan ba nga mohawa ang militar sa lugar aron walay mahitabong engkwentro?
Or ang teroristang N-P-A ang dapat mohawa sa lugar aron magmalinawon kini?
