Mokabat sa kapin usa ka libong mga pamilya nga nabiktima sa bagyong Vinta ang midawat og tabang pinansyal balor og dies mil pesos.
Kini atol sa payout kagahapong adlawa sa City Hall Quadrangle.
Ang payout gipasiugdahan sa Department of Social Welfare and Development ug giabagan sa City Social Welfare and Development Office ubos ni C-S-W-D Executive Overseer Michael Christopher Fabello.
Lakip sa mga beneficiaries ang mga residente gikan sa mga barangay nga naapektohan sa maong bagyo sama sa Carmen, Kauswagan, Bulua, Balulang, Macasandig, FS Catanico, Tablon, Agusan, Bugo, 1, 7, 10, 13 ug 17.
Tumong sa paghatag og tabang pinansyal nga matabangan kadtong mga biktima sa kalamidad nga makabangon sa ilang tagsa-tagsa ka kinabuhi human sa nasinating trahedya.
