Barangay hall sa Ampayon gipadlak, giila nga Kapitan wala kasulod
Hingpit nang giila sa Department of Interior and Local Government (DILG) si Rodencio Basubas isip lehetimong Punong Barangay sa brgy. Ampayon ning syudad sa Butuan, pinaagi sa certification nga gipagawas ni Charissa Guerta, city director sa DILG Butuan.
Unod sa certification nga gipagawas sa DILG nagbutyag nga dili na epektibo ang Status Quo Ante Order nga nakuha ni Felix Gonzaga gikan sa Commission on Election (COMELEC) human napupos na ang 60 ka adlaw nga effectivity ug walay nadawat usab nga sunod nga order gikan sa COMELEC si City Election Officer Atty. Samuel Rollo ug tungod niini si Basubas na ang giilang Punong Barangay sa Ampayon.
Apan imbes magsugod sa iyang serbisyo si Kap. Basubas kagahapon adlaw, pakyas kining nakasulod sa Barangay Hall human gi-padlock sa wala mailang responsabli ug gikatahu nga atua sa Davao city si Gonzaga alang sa usa ka meeting.
Ang pamahayag ni Punong Barangay Rodencio Basubas sa interview sa RMN DXBC Butuan.
Karong adlawa mobalik ang grupo ni Kap. Basubas aron mo-duty sa brgy. Hall bitbit ang certification gikan sa DILG. [image: serdens.jpg]
