Nag-atubang karon sa patong patong nga kaso ang usa ka barangay kapitan ug presidente usab sa Association of Barangay Councils (ABC) sa lungsod sa Libona, Bukidnon.
Kini human nakuhaan ug nagkadaiyang klase sa mga armas ug sangkap sa pampabusikad ang panimalay niini human gisilbi ug gilusob sa Criminal Investigation and Detection Group (CIDG)-10 nga nahimutang sa Barangay Gango, sakop sa mao nga lungsod.
Sa taho nga gipadangat ni Libona Municipal Police Station P S/Inps. Dino Cuevas sa RMN Malaybalay gibutyag niini nga naila ang suspek nga si Eleazar D. Ibona, Brgy. Chairman sa Brgy Gango, Libona, Bukidnon.
Apil sa mga nakuha gikan sa suspek ang usa ka M4, 5 ka short magazine sa m16 adunay 13 ka mga buhing bala; duha ka tag-as nga magazine nga adunay 5 live ammos; 1 CZ; duha ka cal. 22 rifle; usa ka Glock; usa ka cal. 45; usa ka kevlar; 1 bullet proof vest ug lima ka kilo kapin kon kulan nga ammonium nitrate, usa sa mga component sa pambusikad.
Nasayran nga gisilbi sa CIDG PRO 10 uban ang MIB Task Force Oro ug Libona MPS ang Search Warrant and Seizure sa pinuy-anan ni Kapitan Ibona, kagahapon.
Unsay inyong ikasulti kalabot niini?
