General Santos City— NAGDUMILI sa paghatag ug unsa mang pamahayag si Brgy. Tinoto kapitan Rajik Kudarat human kining madakpan milabay’ng adlaw atol sa operasyon sa PDEA 12 sa pangapanguna ni PDEA 12 Director Gil Castro.
Sumala niya nga iyaha ng gitugyan ngadto sa iyahang abogado ang pag-asikaso sa iyahang kaso ug wala na kini angayan pang ipaklaro sa publiko.
Tak-om man usab ang baba niini kung iyaha ang druga ug mga armas nga nakuha sulod sa iyahang panimalay atol sa maong operasyon.
Kahinumduman nga usa ka large sachet sa gituuhang shabu ang ug ubay-ubay nga mga tag-as nga kalibre sa armas nga walay lisensya ang nakuha gikan sa panimalay niini.
Nauna na usab nga gibutyag ni Castro nga anaa sa ilahang listahan sa narco-politician ang kapitan ug gikonsidera kining high valued target gumikan na usab sa posisyon niini.
