Kapitan sa Barangay Canitoan sa Cagayan de Oro, andam kung susihon ang giingong ghost project nga drainage system

Andam si Canitoan Barangay Chairman Josua Taboclaon nga susihon sa City Engineer’s Office ang iyang drainage system sa iyang barangay nga mokabat ang gasto sa kapin 144-thousand pesos.

Matud ni Taboclaon nga dili ghost project ang iyang drainage system sukwahi sa gipasangil sa iyang mga kontra sa politika sa Barangay Canitoan.

Gusto ni Taboclaon nga lakip si City Councilor Zaldy Ocon nga Chairman sa Committee on Infrastructure sa City Council ang mokuyog sa City Engineer’s Office sa pag-inspeksyon sa iyang mga proyekto sa Barangay Canitoan.

By: RadyoMaN Nitz Arancon