Nagapanawagan na si Kapitan Ricky Mijares sang Brgy. Banago sa City Health Office sang Bacolod nga kadtuan na ang kapin 15 ka mga balay nga gin lockdown matapos may narekord nga nagpositibo sa COVID-19 sa diin isa ang napatay.
Nahibaluan nga isa ka panday nga taga-Purok Mahimulaton, Zone 5 ang nagpositibo sa virus apang nagtaliwan ini sang Mierkoles kag gilayon nga gin cremate. Samtang isa man ka 22-anyos sa Purok Riverside Zone 3 nga locally stranded invidual (LSI) halin sa Manila ang nagpositibo man sa virus.Bangud sini, ginpaidalom sa lockdown ang balay sang mga pasyente lakip na ang kaingod nila nga malab-utan sang 30 meter radius.
Sa interview sang DYHB kay Kapitan Mijares, nagapanawagan ini sa CHO nga kadtuan na ang lugar agud nga malantaw kag mahatagan nagakaigo nga pagtamod ang mga close contact sang mga pasyente bangud ang mga barangay health workers, tanod kag mangin siya ang nahadlok nga magpalapit bangud kulang sila sa personal protective equipments (PPE).
Samtang ginkumpirmar ni Mijares nga nagpadala na ang barangay sang bugas sa mga gin-lockdown nga residente apang problema nila ang gatas para sa kabataan sang mga natungdan.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
