KAPITANES | 1,700 ka mga kapitanes sang Iloilo ari sa Bacolod para sa convention

BACOLOD CITY – Nagapatigayon sang convention ang 1,700 tanan ka mga Brgy. Kapitan nagikan sa probinsya sang Iloilo sa SMX Convention Center diri sa syudad sang Bacolod.

Ang tatlo kaadlaw nga kahiwatan nagsugod kahapon Marso 1 sa diin gintalakay ang katawhayan kag seguridad sang kabarangayan, strategies kag frameworks.

Nangin dinapit nga bisita si Iloilo Gov. Arthur Defensor Sr. lakip man si Congressman Albee Benitez nga gin representahan ni Senator Sonny Angara.

Pagatalakayon pa gid sa convention ang masami nga ginapangatubang nila kaangay sang mga ginafile nga kaso, barangay governance kag accountability.