Gipagbantay ug gipaalerto karon sa Cagayan de Oro City police Office kon COCPO ang katawhn sa umaabot Adlaw sa mga Santos ug Kalag.
Matud ni COCPO spokesperson Chief Insp. Mardy Hortillosa, nga sugod ugmang adlawa ila nang ideploy ang ilang kapolisan sa nagkalain laing menteryo ning dakbayan lakip na sa mga terminal, simbahan, malls, parke, kamerkaduhan ug uban dapit nga gadagsaan sa katawhan.
Dugang pa sa maong opisyal, nga nakaandam na usab ang ilang mga security plan kung asa, duha ka adlaw sa dili pa ang selebrasyon kinahanglang anaa na sa ilang mga pwesto ang kapolisan.
Kini ilabina nga sa maong mga adlaw daghan ang gabyahe paingon sa ilang tagsa-tagsa ka probinsya, busa gisiguro usab nila ang seguridad sa mga turista nga magbakasyon ning dakbayan.
Gihangyo usab niini ang katawhan nga gilayong ipahibalo sa kapolisan, ang unsa mang mga kadudahang lihok sa usa ka tawo ug ang mga mabantayang butang nga gibiyaan.
By: Radyoman Aiza Mishelle-Enloran
