Naka full alert status ang kapolisan sa tibook Northern Mindanao ning panahon sa Semana Santa.
Kini human mihatag sa kamandoan si Northern Mindanao Police Regional Director Brigadier General Timoteo Pacleb sa tanang hepe sa kapolisan dinhi sa rehiyon nga mag-deploy og mga personahe sa mga terminal, airport, pantalan, highways, malls, resorts, simbahan ug uban pang lugar nga gabisitahan sa mga deboto aron mag-penitensya.
Gibutyag sa opisyal nga padayon gihapon ang ilang gihimong preemptive measures batok sa posibleng pag-atake sa mga terorista dungan sa ilang gipatumang pagbantay sa siguridad sa mga deboto.
Giaghat usab niini ang katawhan nga mopartisipar sa kapolisan ug mosumbong sa ilang gimuntar nga Police Assistance Desk sa mga strategic areas dinhi sa rehiyon.
