Davao City – Gimanduan ni Davao City Police Office (DCPO) Head PSSUPT Alexander Tagum ang tanang station commanders nga pahugtan ang ilahang surveillance sa tanang mga lodging inns, parke ug uban pang mga dating areas ubos sa ilang areas of responsibility atol sa pagsaulog sa Valentine’s Day.
Segun ni Tagum usa sa ilahang prayoridad nga mabantayan nga walay mga minors nga makasulod diha sa mga lodging inns.
Sumala sa labaw sa DCPO nga kini aron masiguradong walay mga kabataang mabiktima sa trafficking ug mga pagpangabuso.
Dugang niini, nakaalerto usab ang WCPD sa DCPO nga maoy murescue ugaling aduna may mga kabataang isulay og isulod sa maong mga lugar.
Subay niini pahimangno ni Tagum sa publiko ilabina kadtong magselebrar sa gawas nga dili pasagdan ang ilahang mga panimalay nga mamahimong accessible sa mga kawatan.
Sayo sa buntag karong adlawa gipahigayon sa 12 ka mga istasyon sa kapulisan ang tinuig nga pagtunol og mga bulak ug pagharana sa mga kadalanan karong Valentine’s Day.
RadyoMaN Aimee Guinita
