*General Santos City— Blangko pa ang kapulisan sa police station 3 sa ilhaan sa suspek nga mipusil patay sa usa ka Leopoldo Aprecio, 19 anyos nga residente sa Barangay Lagao ning dakbayan.*
*Sumala kang Police Chief Inspector Peter Pinalgan Jr., hepe sa police station 3 nga basi sa inisyal nga imbestigasyon, sakay sa usa ka motorsiklo ang tulo ka ma suspek.*
*Sa karon matud pa padayon ang ginahimo nilang imbestigayson sa motibo sa maong pagpamusil.*
*Dugang pamahayag ni PCI Pinalgan nga sa kasamtangan padayon pa nilang ginasuta ang posibleng motibo sa maong pagpamusil. Ilaha pa usab nga gina-imbestigahan ang mga nadawat nga impormasyon nga sumala pa lambigit sa pagpangawat ang nasangpit nga biktima.*
*Samtang gibutyag sa inahan sa biktima nga sa Samera, dako ang iyahang pagtuo nga ang nagpaluyo sa pagpatay sa iyahang anak mao ang mga tawong nabiktima niini sa pagangawat ug pangpangransak.*
*Saysay niya nga makapilang higayon na niya kining gipadakop sa mhga personahe sa barangay aron nga madisiplina ug maundang sa pagpangawat apan kanunay matud pang nagabalik sa maong trabaho.*
*Dugang pamahayag sa inahan nga si samera, 12 anyos pa lang nang iyahang anak dihang mahilambigit na sa pagpangawat human nga ma-adik sa computer games.*
*Una matud pa niining gikawatan ang usa ka internetan gumikan sa nakulangan sa iyahang dula ug posible matud pa nga tungod sa kanunay nga mapasmo rason nga naka-huna-huna ug dautan.*
*Makaduhang higayon na matud pa nga gibutang sa kustudiya sa barangay ang iyahang anak apan higayon nga makagawas, nagabalik gihapon ini sa pagpangawat.*
