General Santos—blangko pa karon ang Police Station 2 sa motibo sa pag pamusil patay sa usa ka Amiroddin Tondog, 36 anyus ug lumolupyu sa prk. 5 Baluntay Alabel, Sarangani Province sa ilahang area of responsibility alas 9.00 ang takna sa buntag kagahapong adlawa sa Prk. Palen, National Highway, Barangay Labangal ning syudad.
Sumala pa ni PCI Renato Salarda ang hepe sa Police Station 2 nga sa kasamtangan nagpadayon ang ilahang imbistigasyon kabahin na sa maong pag pamusil ug gisuta pa nila ang posibleng motibo sa maong kremin, gani nangalap na sila ug ebidensya sama nalang sa CCTV footage sa mga establishemento nga naagian sa mga suspect nga naka sakay sa motorsiklo aron usab sa posibleng pag-ila sa mga nasangpit.
Dugang pa ni Salarda nga sa ilahang pakighinabi sa kauban sa trabaho ug asawa sa biktima wala silay nasayran nga nakalaban ug gikalambigitan sa biktima niadtong milabay nga mga adlaw.
kung kahinumduman nga padulong unta sa bulaong ang biktima aron sunduon ang iyahang asawa apan gi sundan kini sa mga suspect ug pag-abot sa Prk Palen gipusil kini sa maka daghan nga higayun hinungdan sa pag ka-igo niini sa maka 7 nga higayun nga maoy hinungdan sa iyahang kamatayon. (Kasamang Dave Silagan)
