Utod sang negosyante nga si former No. 1 Councilor Ricardo ‘Kano’ Tan nga si Robert ‘Kaishek’ Tan, 70 anyos gintiro patay sa area sang Greensville 1, Barangay Estefania, Bacolod City, las 9:40 kahapon sang aga.
Si Tan ang residente sang Barangay Villamonte sa diin nagkadto ini sa balay sang iya bayaw nga si Ruth sa Villa Angelis Subdivision Brgy. Estefania syudad sang Bacolod para magpangape apang ini ang naghingagaw pauli kon tani mga las 9:30 sang aga bangod may nabilin sya nga tinig-ang sa ila puluy-an nga nasun-ad kag wala sang may nagasabat sang ini ang nagtawag sa ila nga balay.
Sakay si Tan sa awto nga silver gray nga may plate number FET 863 nga nagbunggo sa Nissan Navara nga ginasundan sini matapos ginluthang.
Nakita ang lima ka igo sang bala sa driver’s seat sa diin nagapungko si Tan nga ang puntariya amu ang iya nga ulo.
Narecover ang lima ka baseyo kag duha ka bala sang wala pa ma determine nga kalibre sang armas.
Wala na gindala sa ospital si Tan sa pagpati nga ini ang indi nalang pagtandugon pending investigation sang SOCO.
Mga las 12 na sang udto sang sya ang ginkarga sa ambulansya sang Amity.
Mismo si Msgr. Felix Pasquin sa Our Lady of Candles ang nagpalapit sa awto kag naghatag sang pangamuyo.
Madumduman nga sang December 14, 2018 mga pasado las 5 sang hapon nakaluwas sa ambush ang utod ni Kaishek nga si Konsehal Kano Tan upod ang iya asawa sa Barangay Alangilan nga tag-iya sang Campuestohan Highland Resort.
Si Tan ang ginbansagan ni President Duterte nga inbolbado sa druga upod sanday anay BCPO Director Police Col. Francisco Ebreo kag apat pa ka mga pulis Bacolod.
[image: image.png]
