General Santos City–Gilauman na matud pang daan sa kapulisan nga motaas gayud ang insedente sa pagpanguot ug pagkawala sa mga gamit sama sa cellphone ug wallet sa mga generals nga nakigsadya sa pasundayag sa kulminasyon sa tuna festival niadtong milabay nga gabie. Mao kini ang nahimong pamahayag sa hepe sa Police Station 1.
Sumala pa ni Police Captain Abdulsalam Mamalinta nga ilahang gibana-banaang anaa sa 23mil ka mga tawo ang nakigsadya sa kulminasyon sa oval plaza hinungdan nga dili gayud nila kini mabantayan.
Sa maong higayon motrabaho ang mga kawatan kung asa makigdutdutanay matud pa kini sa bagang duot sa katawhan aron nga makapanguot kung asa dili na matud pa kini makuha sa ilahang CCTV camera.
Gihingusgan man usab ni Captain Mamalinta nga ang kapulisan ang wala nagkulang sa pagremind sa katawhan nga mahimong mag mainampingon sa ilahang mga gamit tungod kay posibleng mawalaan sila ug gamit gumikan sa pagdagsa sa mga kawatan.
Nasayran nga pipila ka adlaw ayha ang kulminasyoin sa tuna festival nahimong massive ang ilahang information dissemination sa estasyon sa radyo ug social media kon diin ilang gipahimangnuan ang katawhan nga mag laag-laag sa oval plaza nga ampingan ang ilang gamit gumikan sa posibleng pagdagsa sa mga kiriwan.(DaveSilagan)
