Prime suspect sa pagpatay sa publisher Dennis Denora arestado

30

Davao City – Mag-tulo ka tuig sukad sa pagpamusil patay kang Dennis Denora, publisher sa Trends and Time Newspaper nga nakabase sa Panabo City Davao del Norte, gisilbi na sa kapulisan ngadto sa prime suspect ang warrant of arrest sa kasong murder.

Sa eksklusibong interbyu sa RMN Davao kang Panabo PNP Denora case OIC Investigator PSMS Rodney Villacencio, giila ang suspek ug gunman nga si Richard Posas Bolastig.


Kasamtangan kining napriso sulod sa Tagum City Jail sa lain pa usab nga mga kaso sa pagpatay atol sa pagsilbi sa Warrant of Arrest kaniya sa mga kapulisan.

Segun ni Villacencio, pinaagi sa pipila ka mga witnesses positibo kining gitudlo nga maoy nipusil-patay kang Denora niadtong June 7, 2018 sulod sa kotse niini.

Gilantaw sa kapulisan nga may kalambigitan sa trabaho ang anggulo sa pagpatay sa biktima.

Samtang, padayon pa gihapong ginaila ang laing suspek kinsa drayber sa getaway motor sa krimen.



RadyoMaN Aimee Guinita


Facebook Comments