General Santos City–Aduna nay person of interest ang kapulisan sa pagpusil patay sa gwardiyang si Eldemar Baylosis, nga taga Purok 28, Barangay Fatima, Gensan gwardya nga nakabase sa usa ka luna nga iyaha sa usa ka kompanya.
Kini ang gikumpirma sa kapulisan nga sakop sa Police Station 8. Posibleng karong semanaha makapasang-at na ug tukmang kaso ang kapulisan batok sa suspek. Sumala kang Police Capt. Heilbron Okoren, hepe sa Police Station 7 nga tanang anggulo ang ilahang ginatutukan lakip na niini ang trabaho sa biktima.
Ilaha usab gina-imbestigahan karon ang posibilidad nga kaila lang sa biktima ang naghimo sa krimen.
Dugang pamahayag ni Capt. Okoren nga adunay posibilidad nga away sa yuta ang hinungdan sa maong krimen apan wala nila ginabalewala ang uban pang anggulo. Dili matud pa riding in tandem ang nipusil sa biktima ug kung basehan ang lugar sa nahitabuan, klarong kabisado kini sa kriminal.
Nasayran nga nakaangkon ug duha ka igo pinusilan sa ulo ang biktima human kining gipusil sa wala pa nganling suspek niadtong nakalabayng adlaw alas 8:00 pasado sa gabie diin dali pang gidala sa hospital apan gideklarang dead on arrival. Narekober sa crime scene ang mga basyo sa kalibre 45 nga armas.(LVR)
