General Santos City–Nagdumili una ang kapulisan nga ipakita sa publiko ang footage sa nahitabong pagpusil-patay kang Barangay Baluan Kagawad Abdulmajid Mamalumpong.
Sumala kang Police Major Rexor Canoy, tigpamaba sa Gensan City Police Office higayon nga matapos na ang imbestigasyon, ilahang ipagawas sa social media ang maong footage.
Gidawat man usab sa kapulisan ang hagit ni Kag. Yumang nga sulbaron nila ang tanang krimen nga nagakahitabo sa dakbayan hilabina ang kaso sa patay.
Apan giklaro ni Major Canoy nga tungod sa kalapad ug kadaghang lugar nga pwedeng agian sa mga kriminal, dili gyud nila kayang butangan ug pulis ang matag kanto gumikan na usab sa kulang nilang ihap.
Pag-angkon niya nga adunay ordinansya ang syudad nga nagabawal sa angkas nga parehong lalaki ug hugot na usab nga ipatuman ang implementasyon sa barrier sa matag motorsiklo.
