Nagmando karon ang taas nga opisyal sa PNP-9 sa pagpanguna ni Regional Dir. 9 Manuel Luis Licup may kalabot sa direktiba ni Philippine National Police (PNP) chief Director General Oscar Albayalde, nga nagpasida-an sa political parties ug mga kandidato sa eleksyon batok sa pag gamit ug siren, blinkers, ug mga ug uban pang mga gamit para sa kampanya sa mga kandidato.
Butyag pa ni Albayalde, gimandoan niya ang pnp uban sa taga PNP Highway Patrol Group nga striktong ipatuman ang probisyon sa Presidential Decree No. 96, sa pag gamit sa mga siren panahon sa motorkada, Tungod kay makahatag kini ug grabeng kasaba
Nanawagan sab karon ang taga HPG ug kapulisan sa mga kandidato nga tamdan gayud ang maong kamandoan.
Kalabot sa maong panawagan kagahapong adlawa naghimo ug Comelec checkpoint ang kapulisan ning dakbayan sa Dipolog sa pagpanguna ni SPO4 Jerry Buhisan uban sa taga Highway Patrol Group (HPG) didto sa may Herrera Outpost, Brgy Estaka, Dipolog aron masayran kun adunay ba’y mga malapason sa balaod.
Ang kapulisan dinhi sa Zamboanga Peninsula maningkamot nga ila kining mapatuman batok sa mga mapahimuslanong kandidato.
