Andam na ang kapulisan sa Cagayan de Oro City Police Office o Cocpo sa State of the Nation Address o SONA ni Presidente Rodrigo Duterte karong adlawa.
Ipatuman sa kapulisan ang maximum tolerance alang sa mga raliyesta kung ugaling aduna ma’y maghimo og mga kalihokan nga maka-apekto na sa seguridad sa katawhan.
Apan nihangyo ang kapulisan nga unta respetuhon ang katungod sa matag usa ug dili maghimo sa mga bayolente nga mga binuhatan.
Matud ni COCPO Spokesperson Police Supt. Mardy Hortillosa nga ang grupo sa Bagong Alyansa Ng Pagbabago nag-apply sa lokal nga kagamhanan nga magpahigayon og rally sa Magsaysay Park sugod alas otso sa buntag hangtod na sa alas singko sa hapon atol sa SONA.
Alayon niini, nakahan-ay na ang security plan sa kapulisan aron mahimong luwas ang himoong rally.
