Gimandoan ni Cagayan de Oro City Police Office Director, Senior Supt. Nelson Aganon ang iyang mga police station commanders nga palig-onon ang security measures pinaagi sa ilang pagpatuman sa red alert.
Ang mando ni Aganon, silbing iyang pagsunod sa mando ni Police Regional Office o PRO 10 Director, Chief Supt. Timoteo Pacleb.
Lakip sa mando ni Aganon nga kinahanglan ang iyang mga police officials makig-coordinate sa mga barangay officials aron masiguro nga mapatuman ang red alert status ning syudad.
Sa Misamis Oriental.
Gipahayag ni Misamis Oriental Governor Yevgeny “Bambi” Emano nga iya usab nga gikinahanglan ang dugang police officers sa Misamis Oriental.
Gusto ni Emano nga madugangan ang ihap sa mga pulis sa lalawigan silbing pagpalig-on sa security measure sa 23 ka lungsod ug duha ka syudad sa Misamis Oriental.
