Walay miyembro sa ninja cops ang kapulisan sa dakbayan sa iligan.
Kini mao’y gibutyag ni PNP Spokesperson Police Major Jovanie Cabusas human sa ilang pag-evaluate sa kapulisan sa dakbayan sa iligan labot sa ilang matag karon unya nga operasyon.
Gani, matud ni Cabusas, mismong si Philippine Drugs Enforcement Agency o PDEA Regional Director Atty. Wilkins Villanueva ang mikunpirma nga mga buotan ang kapulisan sa dakbayan sa iligan lakip na ang tibuok rehiyon 10.
Gipasigarbo usab kini ni Cabusas tungod sayod siya sa maayong binuhatan sa mga sakop sa kapulisan sa iligan.
Nag-ugat ang isyu sa ninja cops didto sa kaulohan human gibulgar sa PDEA ang binuhat sa pipila ka mga sakop sa pulis nga adunay anomaliya panahon sa ilang pagahimo-on nga operasyon batok sa illegal nga druga.
