Walay angay kabalak-an ang kapulisan sa iligan labot sa gipaabot nga reklamo sa katawhan ngadto sa hotline nga 8888 batok sa pagpanikop ug badja ni Police Major Armando Cordova nga mao’y nagdumala sa traffic division.
Matud ni PNP Spokesperson Police Major Jovanie Cabusas nga isip tigpatuman sa balaod trabaho nila ang pag-implementar hinungdan nga si bisan kinsa kadtung makasupak niini kinahanglan lamang sikopon ug pamultahon.
Gibutyag ni Cabusas nga dili mominus sa 200 na ka badja ang nasikop ni Cordova gikan pa niadtung miaging tuig 2019 hangtud karong panahona gumikan sa nagkalain-laing violations pinasubay sa ordinansa ug guidelines gikan sa LTO ug LTFRB.
Hinungdan nga wala sila mabalaka sa gipaabot nga mga reklamo sa katawhan ngadto sa 8888 tungod igo lamang sila nagbuhat sa ilang trabaho.(Ghiner L. Cabanday, RMN DXIC Iligan)
