Wala pay natala nga election related incident ang kapulisan sa dakbayan sa iligan gikan niadtung nagsugod ang campaign period hangtud karong mga panahona.
Kini mao’y gibutyag ni PNP Spokesperson Police Chief Inspector Jovanie Cabusas subay sa ilang padayon nga pag-monitor sa seguridad sa mga kandidato lakip ilang mga supporters niining nagpadayon ang kampanya.
Matud ni Cabusas, hapsay ug malinawon pa ang adlaw-adlaw nga pagpahigayon sa kampanya sa mga kandidato taliwala sa dili malikayang bangi sa mga supporters sa matag kampo.
Nanghinaot si Cabusas nga hangtud lang unta sa baba taman ang bangi sa mga supporters ug dili na maabot pa sa pagdinapatay nga mao unya’y mamahimong hinungdan sa kagubot.
Facebook Comments
