Magpadayon ang kapulisan sa Misamis Oriental sa pagpatunhay sa kahusay ug kalinaw sa tibuok lalawigan.
Kini ang reaksyon ni Police Inspector Princess Joy Enriquez, tigpamaba sa Misamis Oriental Provincial Police Office human gipaubos sa COMELEC ang tibuok Mindanao isip election hotspot.
Matud ni Police Inspector Enriquez nga magpadayon ang ilang mga operations lakip na niini ang pagpatuman sa hugot nga checkpoints.
Gidugang niini nga sa maong sitwasyon usab mas daghan ang mga pulis ug sundalo ang magbantay sa Mindanao ilabina panahon sa eleksyon.
Facebook Comments
