Gimando ni Police Regional director Rafael Santiago ang Business as Usual sa trabaho sa tanang kapolisan sa Region 10 bisan pa sa pag-resign sa katungdanan ni PNP Chief Oscar Albayalde.
Mao kini ang gibutyag ni Police Lt. Col. Mardi Hortillosa nga spokesman sa PNP sa Northern Mindanao.
Matud ni Hortillosa, nga gimandoan ni Santiago ang iyang tanang Provincial ug City Police director sa Region 10, nga i-apabot ngadto sa tanang lower rank sa kapolisan sa rehoyon ang iyang mando, aron magpadayon ang serbisyo sa kapolisan, bisan pa sa pag-resign ni Albayalde nga gi-akusahang protektor sa Ninja Cops.
Matud ni Hortillosa nga gusto ni General Santiago nga ipadayon ang pagsilbi sa kapolisan ubos sa bag-ong liderato ni OIC PNP Chief Archie Francisco Gamboa.
