General Santos City–Han-ay na ang security plan sa Sarangani Police Office alang sa sunod-sunod nga aktibidad sa probinsya.
Sumala ni Police Supt. Teody Condesa, tigpamaba sa Sarangani Police Office nga usa sa ilang gitutukan karon mao ang umaabot nga Munato Festival ug ang umaabot nga selebrasyon sa lungsod sa Alabel.
Pagpaklaro sa opisyal nga sukad kaniadto, wala man gyud nila giluagan ang ilang alerto aron masiguro nga luwas ang katawhan sa sarangani ug dili malutsan ug mga armadong grupo.
Dugang pagbutyag ni Condesa nga gawas sa ilang pwersa anaa man usab ang pwersa sa Force Multipliers nga gatabang sa pagbantay sa seguridad ug gahatag ug impormasyon ngadto sa kapulisan.
Dakong tabang sab ang mga impormasyon gikan sa kumunidad mao nga dali nga makarespondi ang kapulisan.Nanawagan si Condesa sa katawhan nga ipadayon lang ang paghatag ug impormasyon aron nga magpabiling malinawon ang probinsya sa sarangani.
