General Santos City–Depresyon gumikan sa problema sa pamilya maoy gitudlong hinungdan sa Pamilya sa biktimang naghikog nga si Glan Mark Oronulio, 24 anyos, construction worker ug residenti sa New Mabuhay, barangay Mabuhay Gensan niadtong nakalabayng adlaw.
Sumala ni Rogie Aseron, Ig-agaw sa biktima nga ayha nahitabo ang pagpakamatay sa iyang ig-agaw , nag-inum matud pa sila.
Dili man sila hubog tungod gamay ra gyud ang ilang nainum, natingala nalang kini nga buntag dihang nagkaguliyang na ang uban nilang kabanay human nga nakaplagang patay ang nasangpit sulod sa gipuy-an niini.
Pagbutyag ni Rogie nga ayha nagpakamatay ang biktima iya pang gipukaw ang ilang apuhan dayon nagsige ug hilak tungod gimingaw na sya kaayo sa iyang anak.
Nasayran nga gibyaan sa iyang asawa ang biktima ug gidala pa ang ilang anak mao nga hilabihan gyud ang iyang kadismaya.
