Pagadian City – Naka-alerto ang kapulisan sa syudad sa Pagadian human ang managsunod nga pagpamomba sa Jolo, Sulu kagahapon sa buntag nga gikamatay sa 27 ka inosenteng biktima ug gika-angol sa kapin 70 ka sibilyan.
Gumikan sa panghitabo daling nagmontar og seguridad ang kapulisan sa tanang dagkong simbahan ug pampublikong lugar sa dakbayan aron mapug-ngan ang bisan unsa nga pagpangatake.
Kagahapon dunay mga police officer ang subling gipakatag sa syudad partikyular sa sulod ug gawas sa dagko nga simbahan samtang nagpadayon ang santos nga Misa.
Sumala ni Police Chief Inspector Roger Bartiana sa Police Community Relation o PCR Branch, padayon sila nga naglusad sa bomb awareness sama sa pagpang-apod-apud sa mga flyers, information-drive sa mga side walk vendors, tricycle drivers ug uban pang grupo aron mapug-ngan ang pagpamomba.
Nanawagan usab ang otoridad sa katawhan nga mahimong -alerto o vigilante o daling motaho sa otoridad kun dunay kadudahan sa ilang lugar.
